Inilabas na ng Philippine National Police (PNP) ang cartographic o computerized facial composite sketch ng isa sa mga suspek na pumatay sa broadcaster sa Misamis Occidental.
Base sa computerized facial composite sketch ang lalakeng suspek ay nasa 5’5 hanggang 5’6 ang height, kayumanggi, edad 40 pataas, 70 kilos ang timbang, nakasuot ng pulang sumbrero, green t-shirt at black short pants.
Matatandaang si Juan Jumalon alyas Johnny Walker ay nagpoprograma kahapon ng umaga sa kanyang istasyon na 94.7 Calamba Gold FM sa kanilang bahay sa Brgy. Don Bernardo Neri Calamba, Misamis Occidental nang barilin siya nang malapitan ng suspek na nagpanggap na may iaanunsyo umano sa radyo kaya nakapasok sa anchors booth.
Nagawa pang isugod sa ospital ang biktima pero kalauna’y idineklarang dead on arrival.
