Ginapanugyanan ni Ex-officio City Councilor Reyland Hervias, Liga ng mga Barangay president ang mga opisyales sang barangay nga tinguhaan sang mga ini nga ma-improve ang ila pag-serbisyo.
Ini matapos gin-aprobahan na sa Third and Final reading sang senado ang ginaproponer nga pagsuspende sang Barangay kag Sangguniang Kabataan (SK) elections sa Oktubre subong nga tuig.
Suno kay Hervias , ginpahayag ni Presidente Rodrigo Duterte nga indi siya mang-appoint kundi i-extend lang ang pagpanerbisyo sang mga barangay officials.
Bangud sini, nagakadapat suno kay Hervias nga ipakita sang mga barangay officials nga deserving sila sa posisyon.
” Sa mga barangay officials nga gintagaan chance nga maka- extend pa for another I think 10 months or 8 months, i-try nila i-prove bala nga worth man sila nga gin-extend sila . . . tinguhaan namon nga mapakita man namon nga kumo na extend kami, extended man ang amon pagserbisyo sa mga kabarangayan nga amon gina serbisyohan para indi man bala maghinulsol ang mga pumuluyo nga . . gin-extend , tani islan ni siya namon pero gin-extend siya so agwantahon namon – indi amo ina ang gusto namon matabo . . . time naman ni nga ipakita namon nga gusto gid namon magserbisyo sa mga pumuluyo namon sa kabarangayan.”
Dugang pa ni Hervias, posible pagahiwaton ang Barangay election sa May 2018.
Samtang, ginpahayag ni Hervias nga madamo man sang paagi ukon legal basis agud maislan ang mga opisyales sang barangay kon wala naluyagan sang mga pumuluyo.
