Makabaton it financial assistance halin sa Department of Social Welfare and Development (DSWD) ro mga nasunugan sa D’Talipapa Boracay ko Lunes.
Ro mga pumueoyong nasunugan ag mga stall owners hay makabaton it P10, 000 para sa totally damage ag sa partially damage structures man hay P5, 000 nga financial assistance.
Nasayuran man nga gina planohan makaron it management ko nasunog nga lugar nga i-rebuild daya ag paga-ubrahon nga daywang grado para uman nga magamit it mga naga-renta.
Sa makaron balik negosyo ro ibang mga nasunugan kapareho it mga nagabaligya it mga sea foods kung siin ging taw-an anay sanda it temporary nga lugar sa D’Talipapa agod bisan papaano hay makabawi sa nadueang pangabuhian.
Facebook Comments
