Confirmed! Nagbata na ang sexy actress nga si Ellen Adarna sadto pang June 27, 2018.
Ini suno sa abogado ni Adarna nga si Atty. Rene Saguisag sa hearing sang kaso batuk sa aktres sa Pasig City Prosecutors Office.
Ginrason ni Adarna nga nagbata siya sa nasambit nga petra rason nga wala ini nakatambong sa preliminary hearings sa reklamo nga child abuse kag cybercrime nga ginpasaka batuk sa iya.
Nagpasa na lang ang abogado sang aktres sang isa sa sworn statement gikan sa iya kliyente.
Gintalana ang madasun nga hearing sa July 16.
Sa pre-trial hearing una na nga ginkumpirma sang abogado ni Adarna nga nagabusong ini kag delikado ang iya kondisyon rasun nga wala ini nakatambong sa proceedings.
Sumugod nga naglupok ang balita nga nagabusong ang aktres wala na sang pahayag gikan sa iya.
Samtang sadtong nagligad nga semana gintawag naman nga fake news sang rumored boyfriend kag ginapatihan amay sang bata ni Adarna nga si John Lloyd Cruz nga nagbata na kag ginbunyagan ang ila bata.
Matandaan nga ginreklamo si Ellen sang ginikanan sang isa ka teenager nga gintawag niya nga paparazzi matapos ginkuhaan ini siya sang video kag litrato kaupod ang aktor sa isa ka restaurant , bagay nga ginpanginwala naman sang aktres. /rcsg
