Nanumpa kagahapon alang sa laing termino sa pagsangon sa renda sa panggamhanan sa Butuan ang mga subling napili nga opisyal ning syudad.
Nanumpa si Mayor Ronnievic Lagnada ngadto kang Hon. Judge Augustos Calo, ang Presiding Judge sa RTC Branch 5, Hall of Justice ning dakbayan sa Butuan.
Si Vice Mayor Jose “Joboy” Aquino kauban sa napulo (10) ka mga sakop sa Sangguniang Panlungsod ang nanumpa usab atubangan ni Hon. Judge Eduardo Casals sa Regional Trial Court Branch 1, Hall of Justice ning syudad sa Butuan.
Samtang si Congressman Lawrence Lemuel Fortun ang nihural usab atubangan ni Hon. Judge Marigel Dagani- Hugo, Presiding Judge sa Regional Trial Court 10 th Judicial Region, Branch 3, hall of Justice ning syudad sa Butuan.
Nanumpa ang tanang mga opisyal atubangan usab sa liboan nga mga tigsuporta nga misaksi sa kalihukan sulod sa FSSU Gym kagahapon.
Sa iyang Inaugural Address gipasabot ni Mayor Lagnada nga wala nagsugod sa unang lakang ang iyang administrasyon kondili anaa na sila sa yugto nga ipadayon ang nasugdan nga mga kalamboan sa Butuan.
Ang tipik sa Inaugural Address ni Mayor Ronnievic Lagnada atol sa Oath taking Ceremony kagahapon.
[image: rcl oath.jpg]
