Cong. Ong nanguna ha survey ha 2nd district han Leyte

583

TACLOBAN CITY – Dako an pasalamat ni 2nd district Representative Henry Ong ha ngatanan nga suporta nga iya nakakarawat usa kabulan antis an mid-term elections ha May 13.

Hiya in gin-endorso mismo ni Presidente Rodrigo Duterte ha usa ha mga rally han Hugpong Ng Pagbabago pati na hi presidential daughter Sarah Duterte ngan former special assistant to the president ‘Bong’ Go.

“I am humbled and honored by their endorsement, it makes me more eager in my campaign knowing that their support is tantamount their support to the people of the district,” Ong said.

Mas nagin malipayon pa an magbaralaud han gumawas an resulta han latest survey han Pulse Asia Limited Inc kun diin hiya in nagpapabilin nga top choice ha voting population ha mga taga 2nd district han Leyte.

Ha survey nga ginbuhat dida han January 14-16 han Pulse Asia nga mayada 900 respondents tikang ha 14 municipalities ha Leyte’s second district, mas lamang hi Ong kontra ha 11% ni congressional candidate Karen Javier ngan 4% kan Niccolo Villasin.

11% respondents naman an undecided.

Damo an mga pumili kan Ong ha bungto han Carigara, Capoocan ngan Pastrana.

Dida han January 26-29, nagdumara hin survey an Social Weather Station SWS kun diin napili gihapon hi Ong han mga tawo ha mao nga distrito.

71% an nakarawat ni Ong ha 900 respondents ha survey komoara ha iba nga kandidato.

14% an pumili kan Javier samtang 3% naman an kan Villasin ngan 12% an nagpapabilin nga undecided.

Sumala kan Ong, nagmanilampuson an iya syahan nga termino kumo Congressman tungod nga damo an mga proyekto nga iya naipaabat ha mga tawo ha 2nd district han Leyte.

Hi Ong gihapon an chairman han committee banks and financial intermediaries ha Kongreso.

Facebook Comments