Roxas City, Capiz- Madinalag-on nga nakumpleto sang Capizeño nga si DON F. SASU ang tatlo ka bulan nga leadership training sa Angat Buhay Young Leaders in Government (ABYLG) Fellowship.
Ini nga training program ang para sa mga progressive young leaders sa patag sang serbisyo publiko nga gin-organisar sang German foundation nga Friedrich Ebert Stiftung Foundation kapartner ang Office of the Vice President. Katuyoan sini amo nga madevelop sang mga pamatan-on ang tagsa nila ka “leadership values and goals”, ma-develop ang kinaadman paglab-ot sa ginatawag nga “participatory governance” kag makakuha sang mga panibag-o nga ideya kag ihibalo kun paano pa mapaayo ang ginpili nila nga patag sang pagserbisyo.
Si DON SASU nga nagdako sa Barangay Dapdapan, Sapian, Capiz ang Project Development Officer- III sang DSWD- Field Office 6.
Nahibaluan nga sila amo ang pioneer batch kun sa diin natunga sa tatlo ka cluster(Personal development skills for progressive leaders, Political Systems and Theories kag Transformative Governance) ang leadership training sa sulod sang tatlo ka bulan. Suno kay Sasu, dako ang nabulig sa iya sang nasambitan nga training agud nga labi pa niya nga madevelop ang iya potensyal bilang isa ka lider.
“It was a great opportunity for progressive leaders to further grow and identify the values that matters to us. I had an opportunity to be mentored by experts on how we can further serve the country with integrity. This program had given me great advancement in knowing myself and what I can offer as a public servant. Now, I can fully say that working in the government is not about me and there is no place for my ego but only to be of service to others.”
