Roxas City, Capiz – Gin-anunsyar ni Capiz Governor Nonoy Evan Contreras sa ginpatigayon nga Provincial Development Council(PDC) meeting nga nagpain ini sang pondo para sa mga infrastructure projects sang tagsa ka kabanwahan sa Capiz lakip ang syudad sang Roxas. Ini matapos man nga naghenyo pinaagi sa isa ka resolosyon si Mambusao Mayor Leodegario ‘Jun’ Labao, Presidente sang League of Municipalities of the Philippines- Capiz Chapter nga kun mahimo maski tig-5 million pesos na laman ang mahatag sa kada banwa. Kabug-osan nga 122 milyones pesos ang ginpain nga pondo sa tanan nga mga local government units sa probinsya. Para sa Roxas City, kapin sa 17. milyones pesos ang ginpain nga pondo. Ang banwa sang Panit-an ang may yara sang pinakadako nga pondo nga naglab-ot sa 28.4 milyones pesos. Ginsundan sang banwa sang Panay nga may 24.7 milyones pesos ; 22 milyones pesos sa Pilar; 21.5 milyones pesos sa President Roxas; 21 milyones pesos sa banwa sang Dumarao; 17 milyones pesos para sa Pontevedra; 17 milyones pesos sa Tapaz; 15 milyones pesos para sa Maayon; 14.5 milyones pesos sa banwa sang Ivisan; 13.5 milyones pesos sa Cuartero; 13 milyones pesos sa Dao; 10.9 milyones pesos sa Sigma; 11 milyones pesos Sapian; 8 milyones pesos sa Jamindan; 7.5 milyones pesos sa Mambusao. Samtang ang banwa naman sang Dumalag ang may yara sang pinakanubo nga pondo nga naglab-ot sa 5.5 milyones pesos.
