Roxas City, Capiz – Ginpanginbulahan sang DILG Region VI ang tanan nga 127 ka mga Local Government Units halin sa Western Visayas nga nalakip sa opisyal nga listahan sang 2019 Good Financial Housekeeping(GFH) Passers sang Department of Interior and Local Government(DILG).
Madinalag-on nga nakapasar ang tanan nga probinsya sa Western Visayas partikular ang Antique, Guimaras, Capiz, Iloilo, Aklan kag Negros Occidental.
Samtang ang tanan nga 16 ka mga munisipyo sa Capiz lakip ang syudad sang Roxas ang nalakip man sa 2019 Good Financial Housekeeping Passers sang DILG.
Ang GFH ang isa lamang sa minimum requirements para sa Seal of Good Local Governance (SGLG), partikular para sa assessment criteria sa financial administration.
Nahibaluan nga ang SGLG awardees ang mahimo nga maka-avail sang ginatawag nga
Performance Challenge Fund nga sarang magamit sang isa ka local government unit(LGU) para sa pagduso sang pila ka mga local development projects sa ila nasakopan.
via- DILG 6
