Motorsiklo, ginkawat sa Brgy II, Roxas City pati isa ka sako nga bugas, gintangay man sang kawatan!

86

Roxas City, Capiz – Isa ka motorsiklo ang ginkawat mga alas 3 sang kaaganhon sa may bahin sang Legaspi St. Brgy II, syudad sang Roxas. Suno kay Bobby Borlado, alas sais sang aga sang nadiskubrehan sang mga ini nga nadula ang HONDA RS-150 samtang naka-parking sa nasambitan nga lugar. Sang ginlantaw ang kuha sa Close Circuit Television ukon CCTV, nakit-an nga ginsakyan sang wala pa makilala nga persona ang nasambitan nga motorsiklo kag ini ang padulong sa direksyon sa Barangay Banica. Maluwas diri, ginkarga man sang suspek ang isa ka sako nga bugas. May kaangtanan sini, gin-alerto naman ang mga otoridad lakip ang Highway Patrol Group(HPG) agud nga marekober ang amo nga motorsiklo.

Facebook Comments