Roxas City, Capiz- Nakabaton ang Tapaz Police Station sang plaque of recognition matapos nagpangibabaw sa Search for the Most Compliant Police Office Award sa ginpatigayon nga NAPOLCOM Inspection, Management Audit and Monitoring sang NAPOLCOM- 6.
Ang nasambitan nga pasidungog ang mismo ginbaton sang ila hepe nga si Police Captain Edwin B Luces Jr. kadungan sa ginpatigayon nga NAPOLCOM Entrance Briefing sa Capiz PPO Transformation Hall, Camp Apil.
Nagbaton man sang amu nga pasidungog bilang Most Compliant Police Office ang Sigma PNP nga nagplastar sa ikaduha nga pwesto kag ginsundan sang Jamindan PNP.
Yara ang presensya sang mga NAPOLCOM officials sa pagpanguna ni Atty. Rodney C. Zaragoza, Acting Assistant Regional Director kaupod si CPPO Provincial Director Police Colonel Canilo Fuentes.
Samtang nahibaloan nga humalin sang 2014 asta 2016, consistent nga nakukuha ni Luces ang nasambitan nga award samtang siya ang hepe sang Jamindan kag Mambusao PNP.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
