El Congresista Celso Lobregat y Department of Labor and Employment (DOLE)ya ofrece enantes aga con el valor de un milyon de pesos del mga flores y flower foams entendido para el oment ode capital para con el mga ventero y ventera de flores aqui na ciudad.
Beneficiaryo del tal programa de asistencia el cingcuenta myembros del asosasyon del Latin City Flower Retailers Association (LC-FLOREA) que ya esta bien alegre por el ayuda que ya ofrece canila.
Asegun con el Congresista Lobregat, ya realiza este programa cuando aquel tiempo ya manda sale el govierno local con el mga ventero de flores na vicinidad del Central School yay a manda canila cambia adentro del Bagsakan Center.
Porcausa del diila tormento situaccion, el congresista ya busca manera quilaya canila fuede dale suporta pormedio del capital para omento na diila negocio.
Este programa del DOLE na Trabaho, Negosyo at Kabuhayan un programa que ta ofrece na mga entrepreneur y fobre vivientes que ta busca manera de la vida pormedio del asistencia del Congresista Celso Lobregat. – *Bhong Simbajon/RMN News*
