TACLOBAN CITY – Naatubang yana ha reklamo nga diskwalipikasyon hi Congressional candidate Lolita Karen Javier, an asawa han founder ngan owner han Andok’s Corporation matapos magfile hin pagtipa an duha nga residente han ikaduha nga distrito han Leyte.
Hi Javier in nadalagan yana nga 2019 elections ha ilarom han Partido Federal ng Pilipinas (PFP) para igrepresent an Leyte’s 2nd District, hiya in asawa ni Javier, Leyte Mayor Leonardo “Sandy” Javier, an former President han Municipal Mayor’s Legue ha National ngan Provincial Level dida han Aquino Administration.
Hi Mayor Javier pati na an anak hini nga hi Vice Mayor Michael Javier in nagseserbe na ha ikalima nga distrito han Leyte. An bata nga Javier in nadalagan pagka-Mayor han nasabi nga bungto tungod nga magtatapos na an ika-tulo nga termino han iya tatay.
Ha joint petition nga ginfile ni Benjamin Batan ngan Adan Canega ha Commission On Elections (COMELEC) kontra kan Karen Javier, gin-aaligar nga mayada misrepresentation ha residence ha pagfile ni Javier han iya Certificate of Candidacy (CoC).
Sumala han respondent, residente hi Karen Javier ha bungto han Jaro ha sakob han 44 katuig ngan duha kabulan antis pa an May 13, 2019 National and Local Elections.
Ha ilarom han Article VI, Section 6 han 1987 constitution, nakalarang ha balaod nga dapat an myembro han House Of Representative in residente ha gindadalaganan nga distrito ha sakob han usa katuig.
Pero bumwelta naman an petitioners, sumala ha ira, diri tinuod nga residente ha Brgy. 1 Jaro, Leyte hi Karen Javier, residente daw hi Karen ha Javier, Leyte kun diin alkalde an asawa hini ha nasabi nga bungto.
Dugang ha affidavit han kampo ni Javier, residente na hi Karen ha Brgy. Poblacion Zone 1 antis pa hira magpakasal ngan padayon nga nareside ha bungto han Javier.
Gin-aaligar ginkompirma ini han ira mga witnesses sugad han ira uncle ngan tenant nga 15 anyos na nga residente ha nasabi nga bungto basi ha nakasurat ha ira affidavits.
Pero aminado an mga petitioners nga gin-anak hi Karen Javier ha Jaro, Leyte ngan bumalhin ha Metro Manila upod an iya kag-anak kun diin hiya in nagin artista.
Ha pagka-yana, nag-order na an COMELEC nga igpatawag an respondent pati na an mga petitioners para igpakita an mga ginkakaptan nga ebidensya.
