Congressman Acharon kontento sa performance ni Presidenti Duterte

General Santos City—kontento si South Cotabato First District Congressman Pedro Acharon Jr., sa nahimong performance ni Pangulong Rodrigo Duterte sulod sa usa ka tuig nga pagpangatungdanan niini sa nasud.
Sumala sa kongresista nga alang kaniya, normal lang sa ua ka pangulo sa nasud nga naglingkod ug usa palang katuig nga dili malatag ang tanang mga programa sa tanang katawhan sa nasud.
ā€œ*Pila ka presidenti nga akong nadunggan nga mag sona sa premerong tuig sa iyang pagpanerbisyo, dili man gyud ta maka-expect nga madunggan tanan*ā€.
Dugang pa sa kongresista nga dili pa kaayo makalihok ang usa ka opisyal sa gobyerno sa una niining tuig tungod na usab sa hisgutanang budget.
Apan iya man nga nakit-an ang pangulo nga nagatrabaho gyud sa tahas nga gisangon kaniya isip presidenti apil na ang iyang mga gabinete ang gatrabaho usab sa ilang mga tahas.
Tungod niini kampante siya sa performance sa pangulo ug sya galaum nga dahan pang mga proyekto ug programa alang sa katawhan ang mapatuman sa sunod nga mga tuig sa pagpangatungdanan sa pangulo sa nasud.

Facebook Comments