Dipolog City Zamboanga del Norte – Atol sa kamulong State of the Nation Address kon (SONA) ni presidente Rodrigo Duterte kagahapon sa Hapon didto sa batasang pambansa sa kaulohan, dinhi sa dakbayan sa dipolog, nagkugang ang mga kawani sa dipolog city hall human dunay nabating piti-piti ug dunay nakitang niaso sa may atop, tungod sa may sopa sa opisina sa mayor.
Sa nakuhang kasayuran sa rmn dxdr nga mag alas 5:00 sa hapon kagahapon kamulo na pangawas ang mga empleyado sa city hall, sa dihang gipalong ang split type aircon kalit matud pang dunay nipiti og ni-aso sa may atop.
Dali sab girepondihan sa kabombirohan ang gikatahong ni-aso ug gi-isprihan kinig tubig hinongdan wala kaayu nisila-ab.
Matud pa ni Fire Officer 1 Achester Frogoso sa Bureau Fire Protection (BFP) Dipolog sa interview sa rmn dxdr nga dali nilang narepondihan ang nadawat nga alarma, diin migawas sa ilang initial nga imbistigasyon nga matud pa ang linya sa wire sa split type aircon nga diha gipatong sa atop sa city hall nag short circuit hinongdan nipiti og niaso.
Hinuon dali nga napalong sa mga electrician ang circuit breaker og gisubay ang nag-short, ug nabalik ra ang kurente sa city hall mga alas 5:30 sa kahaponon.
Walay natalang naangol atol sa hitabo.(rm)
