Congressman Babasa ug Sara Duterte kauban na og partido

16

Zamboanga del Sur – Gikalipay sa kongresista sa ikaduhang distrito sa probinsya sa Zamboanga del Sur ang pagpapumpa ni Davao City Mayor Sara Duterte isip myembro sa partido nga Lakas-Christian Muslim Democrats o Lakas-CMD.
Sa iyang Official Facebook Account, gi-welcome ni Congressman Leonardo “Jun” Babasa ang mayora nga iya na karong ka-partido.
Mahinumduman nga nanumpa kagahapon si Sara Duterte kang LAKAS-CMD Chairman Martin Romualdez.
Si Babasa usab mao ang nagsilbi nga chairman sa LAKAS-CMD sa Zamboanga Del Sur human siya nakapanumba ni House Majority Leader ug Leyte Rep. Martin Romualdez niadtong Hunyo 8, 2020.
Samtang kampante gihapon ang kampo sa admistrasyong Yu nga modaog sa umaabot nga piniliay kini usab ang patutsado ni 1st District Representative Divina Grace Yu nga gipatik sa iyahang Official Facebook Account alas 9:00 kagabii.
Aminado usab si Yu nga nahugyaw ang ila matud pang kaatbang dihang nibiya si Mayor Sara Duterte sa regional party ug nitabok sa Lakas-CMD.
It’s not about the party, nor the indorser… It’s about the ZAMBOSURIANS, (dili kini hisgutan sa Partido o sa moendorso kundili mahitungod kini sa taga-Zamboanga del Sur) kini ang usa sa mga linya nga gibuhian sa kogresista sa iyang post.
Gani gihagit usab ni Yu ang ilang mga kaatbang nga mohimo usab og survey kun dunay panahon.
Gipapas usab niya ang kaguol sa ilang mga supporters kay kampante matud pa ang ilang kampo niining hitaboa.

Facebook Comments