Kalabasa gisudla’g shabu, naharang sa Davao City Jail

Davao City – Pakyas nga nakalusot sa Davao City Jail, sa Maa, Davao City ang iligal nga droga nga gipalaman sa Kalabasa alas-10 kagahapon sa buntag (November 11, 2021) human kini naharang sa Bureau of Jail Management and Penology (BJMP).

Arestado ang mga suspek nga sila Roberto Llego, 48-anyos, minyo, jeepney driver nga taga Bugac, Maa Davao City, ug Amelyn Lomigo, 28-anyos, minyo, lumad nga taga Kapatagan Davao Del Sur, vegetable vendor, residente sa People’s Village, Maa, Davao City.

Sa inbestigasyon, samtang giinspeksyon sa gwardya ang dalang gulay sa duha, nabantayan na lamang nga natunga na ang usa ka kalabasa, asa gisulod ang mga illegal drug paraphernalia kung asa nakuha ang duha ka sachet sa gituohang shabu nga anaa sa 23 gramos o mukantidad sa P368,000.


Depensa sa mga suspek nga wala sa ilang kahibalo nga aduna nay iligal nga droga ang ilang dalang gulay. Nasayrang magduha ka tuig nga na nga naga-deliver og gulay sa city jail ang nahisgutan.

RadyoMaN Kirby Manzon

Facebook Comments