CONGRESSMAN BRAVO: BILI SANG KURYENTE SA SYUDAD SANG ILOILO, MAGAMAHAL

Lauman ang pagmahal sang bili sang kuryente sa syudad sang Iloilo kon maaprubahan ang House Bill 8302 nga nagatuyo maghatag sang exclusive franchise sa MORE Energy and Power Corporation o MEPC.

Ini ang pahayag ni NATCOOP Partylist Congressman Anthony Bravo. Sa interview, ginpahayag ni Bravo nga indi magnubo isa ka tuig ang construction sang facilidad sang kompaniya ni Enrique Razon kon matagaan sya sang franchise sa Iloilo City gani ang kagastuhanay sa construction development, kag maintenence sang distribution facilities ipatong nya ini sa balor sang kuryente sa syudad. Indi man maathag suno kay Bravo kon makonsulta ang mga taga Iloilo sining plano bangud wala bisan si Iloilo City Congressman Jerry Trenas sa deliberasyon sini.

Suno naman kay Congressman Teodoro Montoro sang AASENSO Partylist, isa man sa nagpamalabag sa hagna, indi maathag kon sin-o ang magapatigayon sang tanan kon may transition period kag mahimo tunaan pa ini sang power interruptions sa syudad. Nagpanawagan si Montoro nga dapat tagaan sang panahon nga matun-an ang franchise renewal sang PECO agud nga kon myay kasaypanan, matadlong ini kag masolusyunan. Suno sa iya nga dapat anay mabatian ang PECO kon bala indi na sila interesado pa sa franchise renewal. Gindugang pa ni Montoro nga ang MEPC isa ka mining company ag wala ini sang ihibalo sa pag distribute sang kuryente gani disbentah ini sa mga tag Iloilo.


Facebook Comments