TACLOBAN CITY – Naatubang yana hin reklamo nga graft hi Eastern Samar Cong. Ben Evardone matapos pasakahan hin reklamo ha Office of the Ombudsman may paghisumpay han iya posisyon hadi kumo gobernador han probinsya.
Basi ha complaint nga iginpasaka han usa nga Edilberto Grata Jr., gingamit ni Evardone an P5.3 milyon nga pondo para ha mga barangay para tagan hin P1,000 an mga local officials nga tumambong ha usa nga seminar ha Baguio dida han tuig 2009.
Sumala kan Grata, kabalyo han kwarta nga iginhatag ha mga barangay officials an suportahan hi Evardone ha pagdalagan hini kumo Kongressman.
Samtang, ginpasakahan naman hin reklamo ha pagpeke hin dokumento hi Eastern Samar Gov. Marcelo Ferdinand Picardal ha Office of the Ombudsman.
An mga myembro mismo han Sangguniang Panlalawigan han Eastern Samar an nagpasaka hin reklamo kun diin gin-aaligar an P1.28-billion budget ordinance for 2018 in naipasa bisan waray katugutan han pipira nga mga provincial board members..
Waray daw tumugot dinhi hira provincial board members Celestino Cabato, Byron Suyot, Karen Alvarez, Anabelle Capito, Jaime Ty, Ma. Caridad Sison-Goteesan, Maximo Zacate ngan Aldwin Aklao.
