TACLOBAN CITY – Nangaro na hin bulig hi Samar 1st district Representative Edgar Mary Sarmiento kan Philippine National Police Chief Director General Ronald “Bato” Dela Rosa agud imbistigahan an mga pamatay nga gin-aaligar ginbuhat han mga Private Armed Groups ha ira probinsya.
Ha surat nga ginpadara kan Dela Rosa dida han Septyembre 6, nagrequest hi Sarmiento ha PNP Chief nga magbuhat hin imbistigasyon ha pag abuso ngan agud maaresto.
Base ha datos han PNP, 6 nga Brgy. officials ngan usa nga lider ha Calbayog City nga tanan tikang ha Liberal Party an ginpusil han diri pa nakikilala nga mga myembro han PAG’s ha Samar.
Nag apela gihapon an opisyal kan Dela Rosa hin attensyon ngan dayon nga aksyon para han diri pa nareresolba nga pamatay ha mga kahagrani nga bungto sugad han Sta. Margarita, San Jorge, Gandara, ngan Matuginao.
