Pagaistoryahan nila suno kay South Cotabato 2nd District Congressman Ferdinand Hernandez ni Koronadal City Mayor Eliordo Ogena kon ano ang mangin plano sa merkado publiko kag china town agud mahibaluan niya kon sa diin siya pwede magbutang sang pondo.
Suno sa kongresista magatutok siya sa mga dalagku nga proyekto dire sa syudad sang Koronadal.
Ini matapos nga may-yara sang gin-alokar nga pondo para sa development sadto anay sang china town, apang wala ginbaton sang anay nga alkalde tungod may-yara na suno pa sang plano.
Pagapungkuan man nila suno sa alkalde ang traffic management tungod may-yara siya sang isuhestyon agud nga maddress ang problema sa pagginutok sang mga salakyan sa oras nga masako ang dalanon partikular na sa Gensan Drive.
Ginsiguro man sang kongresista nga ipatuman niya ang mga proyekto sa mga lugar sa probinsya nga nagakinahanglan.
