Nagtuo si Congressman Carlos Nograles, Chairman sa Committee on Appropriations nga angayng kalampagon ang National Food Authority oi NFA bahin sa pag divert sa stock sa bugas dinhi sa region 10 padulong sa region 9.
Matud ni Congresman Nograles nga kung unsa ang gigahin alang sa region 10 angay kining ihatag nga walay kulang aron malikayan ang rice shortage.
Tungod niini, gipatuman sa mga rice trader sa rehiyon ang price manipulation kay mapugos ang mga konsumante sa pagpalit sa commercial rice imbes nga NFA rice.
Kini ang nahimong reaction ni Congressman Nograles atol sa iyang pagbisita sa Cogon market ning syudad niadtong Sabado.
Gusto karon sa kongresista nga ipatubag ang NFA ug hatagan sa aksyon ang problema sa mga rice trader ingon man mga konsumante.
