Bitbit ang ilang mga placard, nagrally ang mga militanteng grupo atol sa National Heroes` Day batok sa lain laing mga isyu ilabi na ang mga nakaapekto sa pamuo sa nasud .
Nagmartsa ang AMA Sugbu KMU ug ubang cause-oriented groups ubos sa Bagong Alyansang Makabayan Central Visayas gikan sa Fuente OsmeƱa paingon ngadto sa dalan Colon diin naghimo sila ug programa .
Ang AMA Sugbu KMU nanawagan sa gobyerno ug national minimum wage nga P750 matag adlaw aron batukan ang taas nga presyo sa mga palaliton ug serbisyo , ug di magsalig sa regional wage hike nga gagmay kaayo .
Matud ni Jaime Paglinawan sa Bayan , angayan usab nga seryosohon ang pasalig sa gobyerno nga hingpit nga undangon ang kontraktuwalisasyon sa nasud.
Facebook Comments
