Congressman sang Bacolod nagklaro nga wala ini nagmando sa pumuluyo nga magpila para maghatag sang foodpacks

Gin-anunsyar ni Bacolod Lone District Congressman Greg Gasataya sa DYHB, nga INDI MATUOD nga magapanghatag ini sang relief assistance sa mga barangay sa syudad sang Bacolod paagi sa pag-papila kag pagdala sang ila nga mga bangko (chair) sa ila nga lugar para pagabutangan sang food packs.

Subong nga hapon, nakabaton ini kag ang iya nga opisina sang tawag kag reklamo nga may tawo nga nagpabalo sa mga hacienda sa Barangay Mansilingan nga magpila kag maghulat sa dalan rasun nga gindugok sang mga pumuluyo.

Iya ginklaro nga wala siya sang direktiba nga maghimo sang amo sini nga hilikuton kag kun magpanghatag gid man ini sang ayuda iya ini igapaagi sa barangay.


Naga-apelar ini sa tawo nga gusto magsabutahi kag mag guba sa iya nga indi na pag ibutang sa resgo ang kabuhi sang mga tawo nga ila gin-into.

Gapanawagan ini sa pumuluyo nga indi magpati sa mga tawo nga indi otorisado ilabi na indi iya nga staff kag indi taga barangay nga mga tawo.

[image: image.png]

Facebook Comments