Congressman Siao nanawagan ug panaghiusa sa katawhan ug mga lideres sa dakbayan sa Iligan

Mihangyo si congressman Frederick Siao sa mga lideres dinhi sa dakbayan sa Iligan nga dili kanunay nga hatagan ug atensyon sa pamulitika ang  pagserbisyo sa katawhan.

Matod ni Siao nga mas angayan na nga totokan karon sa mga napili nga mga opisyal kon unsay mga solusyon nga buhaton niining mga problema dinhi sa dakbayan sa iligan.

Gipaklaro ni Siao nga bukas kanunay ang iyang buhatan sa pakighiusa sa lokal nga kagamhanan tungod daku iyang pagtoo nga aduna siya’y dako nga matabang alang sa kalambuan sa dakbayan.

Dugang ni Siao nga dili siya magduha-duha sa pagbisita sa buhatan sa mga opisyal ning siyudad labi na sa buhatan sa mayor kon pananglitan imbitahon siya niini.