Resulta sa gihimong imbestigasyon sa DOH 10, gihulat pa sa kadumalahan sa CEDAR

57

Gihulat pa hangtod karon sa Municipal Environment and Natural Resources kon MENRO sa lungsod sa Impasug-ong nga maoy nagdumala sa CEDAR ang resulta sa gihimong imbestigasyon sa Department of Health Region 10 sa nahitabong diarrhea outbreak ning nakalabay nga semana.

Una niini, gatusan ka mga miyembro sa Seventh Day Adventist nga naghimo kaniadto sa youth convention sa lugar ang gidala sa nagkadaiyang hospital sa Bukidnon human nga nakasinati ug diarrhea.


Sa interview sa RMN Malaybalay ngadto kang Emmanual Lumuyod, ang MENRO Officer sa Impasug-ong, Bukidnon gibutyag niini nga dili pa nila matumbok ang hinungdan sa mao nga outbreak.

Sigun niya nga abuton pa sa 3 hangtod 6 ka adlaw ayha mapagawas ang resulta sa imbestigasyon sa DOH human nga nakapadala na kini ug mga sample sa specimen na sa Research Institute for Tropical Medicine o RITM.

Sa karon, gipahayag ni Lumuyod nga base sa taho nga gipaabot kaniya ni Pastor Gideon Dumaguit, ang convenor sa national youth convention nga as of kagahapon nakagawas na tanang 233 ka paseyente nga gidala sa hospital kaniadtong nakalabay nga semana.

Facebook Comments

From Advertisers