General Santos City–Dako ang pagtuo ni Maguindanao 2nd district representative Toto Mangudadatu nga maangkon nila ang hustisya sa mangilngig nga panghitabo sa Maguindanao Massacre niadtong Nov.23,2009 nga magpulo na ka tuig karong adlawa kung asa 58 ang gipamatay ug 32 niini ang anaa sa media industry.
Sumala pa ni Mangudadatu nga klaro na kaayo ang mga responsableng mihimo sa mangilngig nga krimen nganong hangtod karong panahona wala pa gihapoy resulta sa nagpadayon nga pagdungog sa maong kaso.
Gani natingala na lamang ang opisyal nganong gihatagan pa ug extension sa korte suprema hangtod Dec.20 si Judge Jocelyn Solis Reyes alang sa paghatag ug desisyon.
Subli usab gitin-aw ni Mangudadatu nga kung dili mopabor ngadto kanila ang desisyon sa Korte Suprema mopakanaug kini sa iyang katungdanan isip 2nd District Representative sa Maguindanao. (Reynald Timario)
