DUHA KA HEAVY EQUIPMENT UG GENERATOR SET GISUNOG SA NPA DIDTO SA SURIGAO
Gisunog sa membro sa New People’s Army (NPA) ang duha ka mga heavy equipment nga gigamit sa pagkonreto sa farm to market road sa Brgy. Mapawa, Surigao City.
Alas 11:40 kaganinang buntag nahitabo ang pagsunog sa back hoe, mixer truck, ug generator set nga gipanag-iyahan sa CTB Construction nga nakabasi sa Surigao City.
Gibana-banang mokabat sa 5 milyon pesos ang danyos.
Nagtoo si PNP Caraga Director PBGen. Romeo Caramat Jr. nga extortion ang ugat hinungdan sa maong hitabo.
Niini usa ka joint operation ang gilusad karon sa gingsakpan sa Surigao del Norte Provincial Mobile Force Company kauban ang 29th Infantry Battalion, Philippine Army batok sa mga responsable nga gikaingong membro sa NPA’s Guerilla Front 16B, Northeastern Mindanao Regional Committee.
