Construction sang halfway house sa South Cotabato para sa mga former rebels target nga matapos sa bulan sang Hulyo.

Ginalauman nga matapos sa bulan sang Hulyo subong nga tuig ang construction sang halfway house para sa mga rebel returnees tungod ginaumpisahan na ang construction sini sa subong nga ibutang sa compound sang Animal Production and Processing Center sang South Cotabato sa Barangay Tinongcop sang Tantangan.
Suno kay Provincial Social Welfare and Development Officer Haidie Agustin lima ka bulan ang kontrata nga tapuson ang P5 million nga kantidad sang nasambit nga building nga halin naman sa Department of the Interior and Local Government (DILG) ang pondo sa idalom naman sang Comprehensive Local Integration Program (CLIP).
Ang nasambit nga pasilidad ang magaserbi nga temporary shelter kag processing center sang mga anay nga rebelde sa diin ipaidalom ang mga ini sa rehabilitation kag healing session, education kag skills training activities.
Sa subong nga wala pa sang halfway house suno kay PSWD Officer Agustin kon sa diin sila nagsurender didto sila ipaidalom sa rehabilitation kag hatagan sang financial, livelihood assistance bag-o pabalikon sa komunidad.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>