Santiago, City- Arestado ang isang construction worker matapos mahulian ng kutsilyo sa ikinasang Oplan Bakal ng Santiago City Police Station 1 sa isang Resto Bar sa Brgy. Mabini, Santiago City.
Kinilala ang suspek na si Amor Seculles, 29 anyos, walang-asawa, Construction Worker at residente naman ng Bugnay Diadi, Nueva Viscaya.
Batay sa ibinahaging impormasyon ni Police Chief Inspector Rolando Gatan, ang hepe ng Santiago City Police Station 1 ay nagsagawa umano sila ng pagsisiyasat sa naturang Bar kaugnay sa kanilang ipinapatupad na Oplan bakal na naging dahilan ng pagkaka aresto ni Seculles.
Samantala, nakuha naman mula sa pag-iingat ng suspek ang isang kutsilyong may sukat na mahigit kumulang labing limang pulgadang haba kaya’t agat itong dinala sa himpilan ng kapulisan para sa kaukulang dokumentasyon at disposisyon.
