Davao City-Patay ang usa ka construction worker human pusila sa wala mailhing suspek gabii. Giila sa buhangin PNP ang biktima nga si Lloyd Justine Curambao, 21 anyos, ulitawo, construction worker, ug nanimuyo sa Mt. Carmel St., Dumanlas, Buhangin ning siyudad.
Si PO3 Ronnie Relator, imbestigador sa Presinto 5 nagbutyag nga samtang nagtindog ang biktima sa terrace sa ilang balay kalit lamang adunay miduol kaniya nga armado ug sa walay daghang istorya giluthang sa makatulo ka higayon si Curambao 7:30 gabii. Nakaangkon og igo sa ulo ug bukton ang biktima hinungdan sa iyang kamatayon sulod sa Southern Philippine Medical Center (SPMC).
Base sa saysay sa testigo, ang suspek adunay gitas-on nga 5’6 ug nagsul-ob og helmet nga dunay kolor nga itom ug puti kinsa dali misakay sa iyang motor palayo sa nasangpit nga lugar.
Blangko pa ang kapulisan sa motibo ug pag-ila sa suspek diin ipa-ubos sa ballestic test sa ang mga deform slugs sa PNP Crime Lab 11 ang mga narekober sa crime scene.
Kasamang Joel Viray
