Davao City – Daling gidala sa Southern Philippines Medical Center ang usa ka construction worker nga lalaki human kini gidunggab alas 4:00 sa kaadlawon didto sa dalan San Pedro St. siyudad sa Davao.
Subay sa report gikan sa San Pedro Pnp naila ang biktima nga usa ka Nelson Baconlayon, 21 anyos nagpuyo sa Sitio Malikongkong Marilog District ning dakbayan samtang wala pa mailhan ang suspitsado nga nidunggab sa biktima.
Matud sa report samtang nagbaklay ang biktima sa nahisgutang lugar kalit kini gidunggab sa maong suspek hinungdan nga dali kining gidala sa iyang igsuon sa SPMC.
Kapolisan sa San Pedro padayong naglusad og dugang imbestigasyon aron masayran ang suspek nga midunggab sa biktima.
RadyoMaN Don Pulayao
Facebook Comments
