Davao City – Biktima ang usa ka Angelo Francisco, 21 anyos, taga-Brgy. Ticolon Malita, Davao Occidental samtang ang suspetsado naila nga si Marnic Marion, 25 anyos, taga-Poblacion Malita sakop sa maong probinsiya.
Sa report gikan San Pedro Pnp, nakit-an nalang ang patay’ng lawas sa biktima pasado alas-5:00 sa buntag didto sa ikaduhang andana sa construction building nahimutang Sampaguita St. Elrio villlage Brgy. 19-B ning siyudad sa Davao.
Pasiunang imbestigasyon sa kapolisan nga ang motibo sa pagpatay sa biktima matud pa gumikan lamang sa panagbikil tali sa biktima ug suspetsado nga wala pa ma-settle.
Sumala pa nga nakit-an niadtong milabay’ng adlaw nga nag-uban ang biktima ug suspek diha sa ilang gitrabahuan diin aminado ang suspek nga maoy mihimo sa krimen subay sa pamahayag sa ilang amo nga si Archie Selvestre human niya natawagan ang suspek.
Sa karon gawasnon pa ang ang suspetsado samtang kapolisan naglusad na og follow-up operation may kalabutan sa maong insidente.
RadyoMaN Don Pulayao
