SYUDAD sang Iloilo – Naga-conduct na sang damage assessment ang Department of Agriculture (DA) region 6 sa halit nga gintuga sang tig-ilinit sa pananom ilabi na sa mga lugar nga may type 1 climate ukon ang may tuhay nga wet kag dry seasons.
Suno kay Rene Famoso, chief of DA Regional Field Office 6 (RFO 6) Operations Division ini nga mga lugar makit-an sa Southern Iloilo kag Antique.
Bangud sini ginpanugyanan ni Famoso ang mga mangunguma sini nga mga lugar nga magtanom sang iban nga tanom luwas sa humay nga mas nagakinahanglan sang dako nga supply sang tubig.
Siling ni Famoso nga sang 2018 pa napahibalo ang mga ini nga mau matabu nga mahina nga El Niño phenomenon.
Maayo nga itanum subong nga panahon amo ang sibuyas kag ahos.
Nahibaluan nga may 260.7 hectares sang talamnan sang sibuyas kag 22 hectares sang ahos sa mga banwa sa Southern Iloilo nga ginbuligan matukod sang DA.
Sa karon gina-validate pa sang DA ang report sang damages nga ginsubmit sang mga local government units.// via Joel Franco reports
Photo from web
