Landing sa ospital ang isa ka construction worker matapos luthangon sang duha ka suspek alas 8:00 kagab-i sa atubang sang Dolores resort, Barangay Pagalungan, Polomolok, South Cotabato.
Ginkilala ang biktima kay Ryan Codiale, 24anyos, soltero, construction worker kag residente sang Barangay Palkan, Tupi, South Cotabato.
Sa interview sang RMN sa pakaisa sang biktima nga si Jonel Mangayao, 23anyos, soltero, laborer kag residente sang Barangay Palkan, Tupi, South Cotabato nagbakal suno pa sang sud-an ang biktima sakay sa XRM 125, nagaduag sang pula angkas ang duha ka menor de edad sa Dolores Resort, sa nasambit nga Barangay
Dugang pa nya, matapos makabakal sang sud-an ang biktima, ginbantayan suno pa ini sang duha ka suspek kag ginbalabagan sa dalan sa diin pwersa nga ginkuha ang motor.
Nagpakatig-a suno pa ang biktima sa suspek pero hinali na lang ini nga ginluthang sa bibig gamit ang ginapatihan nga kalibre 38.
Gilayon suno pa nga nagpalagyo ang suspek dala ang ginkarnap nga motorsiklo sa wala nahibaluan nga padulungan.
Samtang padayon naman nga nagapabulong ang biktima sa ospital sa may syudad sang Koronadal bangud sa naangkon nga pilas tuga sang pagpangluthang sa iya nga sag-ang.
