Maangay ita nga aldaw, January 26, 2018 ti Tan-Ok ti Ilocano Dance Parade para iti Bicentennial Celebration iti Ilocos Norte oras ti 4:00 iti malem.
Mangrugi ti nasao nga parada iti Ilocos Norte Centennial Arena a mapan iti Provincial Capitol nga kalpasan na agturong iti Valdez Center, San Nicolas, Ilocos Norte a pakabuklan ti 7,000 nga participants.
Ti maangay nga dance parade ket panangipasirip ti performance aggapu iti 21 nga ili ken dua nga siyudad ti Ilocos Norte inton February 2, 2018 para iti Tan-ok ni Ilocano: Festival of All Festivals idiay Ferdinand E. Marcos Memorial Stadium, Laoag City.
Kas pannakiselebrar ekspektaren ngarud dagiti umili ken motorista iti nairut a trapiko nga mangrugi iti ala una iti malem.
Awisen dakayo ngarud amin nga makipaset iti umuna ken bongga nga Tan-Ok ti Ilocano Street Pageantry iti Ilocos Norte!
Intay pasingkedan ti kinatan-ok ni Ilocano!
