Construction worker gipusil-patay

Davao City – Napalgang nagkadugo ang ulo ug wala nay kinabuhi sulod sa usa bunkhouse ang usa ka construction worker.

Biktima naila sa pangalang Johny Duran Jesura, 37 anyos nga taga Milbuk Sultan Palimbang Sultan Kudarat ug temporaryong nagpuyo sa Sotogrande Sts Lucia Construction sa may Diversion Road Ma-a ning siyudad.

Base sa report bandang alas 7 pasado kagahapon sa buntag miabot ang report sa Talomo PNP mahitungod sa patayng lawas sa biktima nga gituohang gipusil sa security guard sa maong construction firm.


Suspek naila nga si Julius Talleros, 39 anyos residente sa Indagan Acacia Buhangin ning siyudad.

Sumala pa sa mga kakaubanan niini nga mga trabahante, kagahapon bandang alas 7 sa kabuntagon mibiya sa post ang maong security guard ug gisulod sa kwarto ang biktima ug gituohang gipsuil-patay ang biktima.

Gidugang nga adunay dugay na nga bangi ang suspek ug biktima tungod lang sa problema sa time-in ug time-out sa daily time record.

Misibat nga wala nay pag abiso ang suspek ug sa nabulabog na ang maong insidente gipangita kini sa suod nga higala ug nagpahibalo nga layo na ang giabtan nga lugar sa suspek.

Ang personahe sa PNP Crime Laboratory 11 ug Scene of the Crime Operatives kun SOCO nga gipangunahan ni PCI Silveron padayong naglusad og imbestigasyon sa maong insidente.

Ang patayng lawas sa biktima gidala na sa Angel Funeral Parlor alang sa autopsy examination.

RadyoMaN Paul Canono

Facebook Comments