Dipolog City – Nagbangotan karon ang nahabiling pamilya sa usa ka construction worker human nasayran ang nahitabo sa ilang padre de pamilya nga napalgang wa nay kinabuhi nga giingong giurom samtang natug niadtong miaging gabii sa igkatulong andana sa padayong gitrabaho nga fast-food sa may Rizal ave. Barangay Central dakbayan sa Dipolog.
Giila ang biktima nga si Alejandro Villegas Danoyanos, 43 anyos, minyo, lumad nga taga Purok 7, Barangay Agay-ayan, Gingoog City, Misamis Oriental nga nagtrabaho isip usa ka labor sa usa ka gihimo nga Greenwich fast-food sa maong dapit.
Subay pa sa report sa gisaysay sa foreman nga si Tirso Berial mga alas 10:00 sa gabii ulahing nakitang buhi ang biktima apil nikalot sa bangag para septic tank kon diin kalit napalong ang supply kurente sa dapit, hinungdan naundangan ang trabaho.
Sumala pa ang biktima nipalit kini ug usa ka botelyang beer sa atbang nga tindahan dayun nag-inom human natulog sa igkatulong andana sa construction site.
Mga alas 8:00 sa buntag, nasayran nga tulog gihapon ang biktima ug gitawag sa mga kauban alang sa pagpahibawo nga oras na sa tingtrabaho apan sa dihang gipukaw nahibaw-an migahi na ang lawas sa niini.
Ang patay lawas karon anaa na gipahiluna sa D’mang funeral homes sa Brgy. Miputak kon diin naabtan pa sa rmn news team ang pamilya nabangutan ug wa katuo sa gidangatan sa ilang padre de pamilya nga sumala pa nitawag sa cellphone sa niaging adlaw nga nagpahibalo mouli karong adlaw domingo.
Nakadesider ang asawa nga ipaubos karon sa otopsiya ang patay lawas niini aron masuta kon wa bay foul play sa hitabo. (-r.m-)
