Gipusasan sa kapulisan ang suspek nga giilang si Mark Anthony Toraja, 20 anyos, ulitawo, ug nagpuyo sa Barangay Ilang human napalitan og usa ka pakete sa gitohoang shabu ug gidawat ang mark money nga gibayad sa otoridad nga nagsilbing poseur buyer sa transaksiyon.
Nakuhaan pa og laing tulo ka pakete sa shabu nga mukantidad tanan og 13mil ka pesos, 500 pesos nga mark money, ug personal nga kwarta niini.
Ang suspek taudtaod nang gipanid-an sa kapulisan gumikan sa ilegal nga kalihokan hangtud nakabaton og tsansa ang mga otoridad nga matransak ug madakpan sa gilusad sa operasyon kontra droga.
Himas rehas na karon ang maong suspek samtang gihikay na ang kasong may kalapasang Republic Act 9165 kon Comprehensive Dangerous Drugs Act of 2002 batok kaniya.
RadyoMaN Joel Viray
