Mag-atubang sa paglapas sa RA 9165 kon Comprehensive Dangerous Drugs Act of 2002 ang nadakpang Construction Worker atol sa drug buy-bust operation nga gipahigayon sa kapulisan kagahapong adlawa didto sa Purok 3, Brgy. 7, Malaybalay City, Bukidnon.
Giila ang nadakpan nga si Armando Torre, 29 anyos, ulitawo, Construction Worker, ug mulopyo sa residente sa naasoy nga lugar.
Nakompiska gikan kang Torre ang upat ka heat sealed transparent plastic sachet nga mikontinar og drogang shabu nga gibana-banang mikantidad og kapin kon kulang P6,000.00. Nakompiska usab ang usa ka P500 Bill ug usa ka unit sa Yamaha Mio 125 kolor Blue nga motorsiklo.
Gidala na sa Malaybalay City Police Station ang nadakpang suspetsado lakip ang mga nakompiskang ebidensiya nga layong ipagaturn-over sa PNP Bukidnon Provincial Forensic Unit-10 alang sa dugang eksiminasyon samtang ginaandam ang kaso batok kaniya.
