[image: IFM 919 Logo (1).jpg]
Padayong nagpaalim ang construction worker sa mga samad nga iyang naangkon human kining nadisgrasya samtang nagtrabaho sa gipatukod nga bag-ong building sa New Society National Highschool, Barangay Sinawal.
Base sa impormasyon gikan sa maong tunghaan giila ang biktima sa pangalang Jonathan Recitas, 26 anyos, constructions worker nga residente sa Mati, Davao Oriental.
Nasayran nga daghang mga construction workers ang nagtrabaho sulod sa maong tunghaan dihang nahitabo ang aksidente.
Nakuryentehan ang biktima human matapsingan ang live wire sa metal furrings sa building nga gipatukod.
Nahagbong pa ang biktima human makuryente nga nakaangkon og samad.
Gilayong nakapangayog tabang ang principal sa maong tunghaan nga si Efren Lemana ngadto sa mga ambulansya.
Gidala dayon sa pribadong ospital ang biktima nga gitagaan gilayon og atensyong medical.
