Davao City – Patay na nga napalgan ang usa ka construction worker sulod sa iyang kuwarto partikular sa bank house sa iyang gitrabahuan didto sa Domsat San Rafael Brgy. 9-A siyudad sa Davao.
Sa report gikan San Pedro PNP, ang biktima nailang Cerilo Tabugue, 46 anyos, taga-Barangay Pindasan Mabini, Comval Province.
Sa imbestigasyon sa kapolisan nakita na lamang sa duha ka kauban sa trabaho sa biktima nga sila Bienvenido Belsonda, taga-Madang Mati, Davao Oriental, ug Nestor Castillon, nga nakahigda na kini ug wala nay kinabuhi.
Matud pa ulahing nakita sa kauban sa trabaho ang biktima niadtong adlaw’ng Domingo pasado alas-7:00 sa gabie apan kagahapon sa adlaw’ng Lunes pasado alas-6:00 sa buntag sa dihang motrabaho na gisuwayan pa og pukaw sa mga kaubanan niini nasuta nga wala na gaginhawa ang biktima hinungdan daling nangayo og tabang ug gilayon nagresponde ang mga police.
Kapolisan walay nakitang foul play sa kamatayon sa biktima.
Gani sa pagkakaron ginaimbestigahan pa sa kapolisan kung unsay hinundan sa kamatayon niini samtang ang patay’ng lawas gidala na sa Angel Funeral Homes nahimutang sa may dalang F. Torres ning dakbayan.
RadyoMaN Don Pulayao
