Davao City – Mag-atubang og kasong frusrated murder ang usa ka Senior Citizen nailang Alejandro Semino, 64 anyos, taga-Purok 8 Manggahan Bacaca, Brgy. 19-B siyudad sa Davao.
Nasikop sa kapolisan ang suspek nga miluba sa usa ka construction worker nailang Dennis Alagos, 31 anyos, residente sa nahisgutang lugar.
Sa imbestigasyon migula nga nag-inum ang biktima kauban sa suspek apan kalit nga giatake ang biktima pinaagi sa pagdunggab sa makadaghang higayon resulta sa pagka angkon og mga samad sa wala nga abaga.
Sa tabang sa mga silingan daling nasikop ang suspek sa kapolisan ug nakuha ang usa ka kutsilyo nga gibana-banaan nga 12 pulga ang gitas-on.
Nigawas usab sa imbestigasyon nga dumot ang motibo sa pagdunggab sa biktima.
Sa pagkakaron balhog na sa selda sa kapolisan ang suspek ug karon adlawa i-inquest ang kaso ngadto sa korte.
RadyoMaN Don Pulayao
