Davao City – Usa ka patayng lawas sa construction worker ang napalgan sulod sa construction site sa Enbuilder Corporation sa De Guzman Street, Brgy 13-B, Davao City.
Sa report gikan Sta. Ana PNP, ang biktima mao si Eusebio Parpar Jr., 29-anyos taga Brgy Tuburan, Katipunan, Dipolog City.
Sa imbestigasyon sa kapulisan, sumala pa sa kauban sa biktima sa trabaho nga si Emmanuel Tacang nga iya pang nakita ang biktima nga nag-ayo sa iyang bunk house sulod sa construction site ug naa sa maayong kondisyon sa lawas.
Alas 6:10 sa buntag namatikdan niini nga wala na nigawas sa bunk house ang biktima apan sa dihang gipukaw kini nagbuy-od na kini ug wala nay kinabuhi.
Walay nakitang foul play ang kapulisan sa kamatayon sa biktima samtang ipailawom usab kini sa otopsiya aron masayran ang hinungdan sa insidente.
RadyoMan Don Pulayao
