Davao City – Usa ka patay nga lawas ang napalgan sulod sa kwarto nga girentahan niini nahimutang didto sa Jacinto Ext.Brgy 11-B siyudad sa Davao.
Sa report gikan sa San Pedro PNP ang biktima nailang Epilino Suan, 36 anyos nga taga-Brgy. San Jose Prosperidad Agusan del Sur.
Matud pa sa usa ka roommate sa biktima nga si Raymond Valencia pasado alas 10:00 sa gabie mireklamo si Suan nga duna kini gibati sa iyang lawas.
Sa dihang nakatulog na ang biktima apan pasado alas 6:00 sa buntag nahibulong nalang ang kauban niini nga wa na naglihok ang biktima ug bugnaw na ang lawas niini.
Subay sa imbestigasyon sa kapolisan nga walay nakitang foul play ang kamatayon sa biktima samtang ang patayng lawas gidala sa Angel Funeral Homes sa may dalang F.Torres ning dakbayan.
RadyoMan Don Pulayao
