Davao fire incidents, mikunhod

Davao City – Natala karon ang pag-ubos sa mga insidente sa sunog sa syudad sa Davao karong bulan sa Abril itandi sa nakalabay nga bulan karong tuiga.

Kini ang gibutyag ni Senior Fire Officer (SF0) 3 Ramil Gillado, hepe sa intelligence and investigation section sa Bureau of Fire Protection (BFP)-XI sa pakighinabi sa DXDC 621 RMN Davao.

Gibutyag ni Gillado nga karong bulana hangtud ning panahon sa atong pagsibya, nakatala ang buhatan og 36 ka insidente sa sunog diin kadaghanan niini tungod sa grass fires.


“Ang sa mga establishment ug mga residential nato, sa karon nakita nato karong April nga medyo nibaba. Ang taas lang ani is kining grass fire.” segun niini.

Padayon usab nga nagpahimangno ang opisyal labi na sa mga lugar nga nagbaton og dakong luna sa kasagbutan ug kakahoyan nga likayan ang pagsunog sa mga laya nga sagbot o dahon labi na nga grabe ang kainit sa panahon nga muresulta sa paspas nga pagkanit sa kalayo.

RadyoMaN Kirby Manzon

Facebook Comments