Davao City — Napasaka na sa kapulisan sa San Pedro ang kaso sa korte batok sa usa ka construction worker nga nailang si James Opong Ebanez, 35 anyos, taga Brgy. Lapu-Lapu, Agdao ning dakbayan sa Davao.
Sa interbyu sa DXDC RMN Davao kang Police Major Marvin Hugos, Station Commander sa San Pedro Police Station, kasong theft ang napasaka na batok sa suspek.
Kanihumdoman nasakpan ang suspek sa usa ka guwardya sulod sa establisemento human nangawat og 17 ka buok nga payong nga iyahang gisuksok sa short nga mokantidad og ₱3,383 diin nakadagan pa ang suspek apan daling nadakpan sa mga awtoridad.
Gidugang ni Hugos nga mas gitutokan karon sa kapulisan ang kampanya kontra street crimes partikular sa ilang area responsibility aron madakpan ang mga nagapanglabni ilabi na og cellphone.
Sa datos nga natala gikan sa San Pedro PS, dunay duha lamang ka insidente sa pagpanglabni og cellphone ang natala karong bulan sa Nobyembre 2022.
RadyoMaN Don Pulayao
Facebook Comments
