CONSTRUCTION WORKERWANTED SA KASONG PAGPANGLUGOS, ARESTADO SA DAPITAN

23

Usa ka wanted person nga construction worker kinsa nag-atubang sa tulo ka ihap sa kaso nga pagpanglugos ang malampusong naaresto sa mga otoridad sa syudad sa Dapitan didto sa Barangay Bagting sa nakalabay’ng adlaw.
Si Concepto Rendon Vidal, 32 anyos, ulitawo, construction worker, ug residente sa Purok Sampungan, Barangay Sinonoc sakop ning dakbayan.
Ang maong akusado gisikop pinasikad sa warrant of arrest nga giluwatan sa sala ni Acting Presiding Judge Jose Rene Dondoyano, RTC Branch 7, Bulwagan ng Katarungan dakbayan sa Dipolog pinetsahan kaniadtong Enero 13 ning tuiga alang sa salaud nga tulo ka ihap sa kasong RAPE o pagpanglugos nakadukit sa CC Nos 24509, 24510, ug 24511 diin walay pyansa nga gitugot alang sa iyang temporaryong kagawasan.
Si Vidal ang anaa na kini karun sa kustodiya sa Dapitan CPS alang sa tukmang disposasyon. (chai)

Facebook Comments