Malaybalay City, Bukidnon – Gipahigayon kagahapon ang usa ka consultative meeting aron maresolba ang bangi sa tali sa National Electrification Administration ug Bukidnon Second Electric Cooperative kon BUSECO.
Sa interview sa RMN Malaybalay ngadto kang Senator Sherwin Gatchalian, ang chairman sa senate committee on energy ug nanguna sa mao nga panagtigum, gibutyag niini nga tumong niining masuta ang problema sa duha ka panig ug kung unsaon malikayan ang mao nga problema.
Gikalipay matud pa niya nga human ang mao nga panagtigum nakabaton ug resolution ug solusyon sa mao nga problema.
Gidugang pa sa senador nga gipatawag niya ang mao nga panagtigum aron mapanalipdan ang mga kaayuhan sa mga miyembro-konsumante ug tag-iya sa BUSECO sa posibleng negatibong epekto sa bangi niini tali sa NEA.
Usa matud pa sa hinungdan sa bangi ang wala pagka-sinabtanay, ug ang walay pagrespito sa usag-usag.
