Sarangani Province—Opisyal nang nagsugod niaging adlaw nga Lunes ang Consumer Welfare Month sa probinsya sa Sarangani. Natigayon kini sulod sa Kapitolyo sa Sarangani nga gi-organisa sa chairman sa Provincial Consumer Welfare Council nga si Governor Steve Chiongbian Solon og ni DTI Sarangani Provincial Director Ethel Gumana.
Nahimong usa sa mga highlight sa maong opening sa Consumer Welfare Month ang rolling store sa National Food Authority gitawag nga Tagpuan Day Rice Response Delivery Program nila Pangulong Rodrigo Duterte og Agriculture Secretary Manny Piñol, kung diin mapalit na ang NFA Rice sa kantidad nga P27 ang kilo. Gaadtuan na matud pa sa mga barangay sa Sarangani ang mga NFA Rice rolling store. Gawas sa mga NFA retailers, pwede usab adtuan ang buhatan sa NFA sa Lagao, Gensan aron makapalit og barato apan may kalidad nga NFA Rice makapalit og hangtud lima (5) ka kilo ang matag indibidwal, ang bugas ang gikan pa sa nasud Vietnam og Thailand.
Lauman unya sa mga palengke sa Sarangani Province ang surprisa nga pagbisita aron masuta kung sakto ang mga “Timbangan ng Bayan” og ang presyuhanay sa mga gasolinahan. Una nang gikumpirma sa DTI Sarangani ngadto kang Governor Solon nga gawas sa bugas og produktong petrolyo, nahimong resonable, normal og istibol matud pa ang pagtaas sa presyo sa batakang panaliton sa Sarangani nahisubay sa SRP kon suggested retail price og walay angay ika-alarma ang mga residente.
